ភ្នំពេញ៖ រដ្ឋមន្ត្រីក្រសួងព័ត៌មាន លោក នេត្រ ភក្ត្រា បានដឹកនាំប្រតិភូក្រសួងអញ្ជើញដាក់កម្រងផ្កា គោរពព្រះវិញ្ញាណក្ខន្ធ ព្រះចៅនៃរដ្ឋគុយវ៉ែត His Highness Sheikh Nawaf ដែលបានយាងចូលទិវង្គត នាព្រឹកថ្ងៃទី១៨ ខែធ្នូ ឆ្នាំ២០២៣ នៅស្ថានទូតគុយវ៉ែតប្រចាំកម្ពុជា។
ព្រះចៅ Nawaf Al-Ahmad Al-Jaber Al-Sabah ប្រសូតនៅថ្ងៃទី២៥ ខែមិថុនា ឆ្នាំ១៩៣៧ និងបានសោយទិវង្គតនៅថ្ងៃទី១៦ ខែធ្នូ ឆ្នាំ២០២៣ គឺជាព្រះអង្គម្ចាស់ដែលត្រូវបានត្រៀមស្នងតំណែងជាស្ដេចបន្ទាប់នៃប្រទេសគុយវ៉ែត។ ព្រះអង្គធ្លាប់ធ្វើជារដ្ឋមន្ត្រីក្រសួងមហាផ្ទៃ រដ្ឋមន្ត្រីក្រសួងការពារជាតិ និងជាឧបនាយករដ្ឋមន្ត្រីផងដែរ៕
